موقع الأيهم صالح

لا افهم! لم اعد افهم شيئا .... ما هذا؟ هل نحن مجتمع يؤمن بالازلية؟ ام مجتمع ديني ام لا هاد و لا هاد ام شو يعني؟ يستيقظ صباحا الانسان و يفرح و يقول هاه ... ها هو العيد ... كم هو جميل... يخرج من المنزل و مازال فرحا... ولكن اين ينسى العيد؟ حينما يسمع النفاق منطلقا من كل ناحية ... كل عام و انت بخير... و كل عام و انت بخير و قضيا بقا على كل عام و انت بخير ... يعني و الله كنت رح صدق حالي انو كل عام و انا و هو و نحن بخير ... يعني شو؟ يعني ايمت رح نفكر بالشي الي عم نحكي يا اخي كيف ظبططها لهي كل عام و انت بخير فهمني؟! يعني ما بتدخل العقل... لك كيف بدو ياك تكون كل عام و انت بخير؟ يعني اذا كنت هل عام بخير اذا سمعتها لهي رح تبطل تصير بخير ... شو يعني مثلا يحدد؟؟ او يعرف شو عم يحكي البني ادم.... يعني مثلا يقول ان شاء الله ال 4 سنين الجاية انت بخير ... او مثلا ... مضي 14 سنة و انت بخير ... صفا انت بخير لكام سنة جاية ... او حتى ليش كل عام بالذات؟ ليش ممثلا كل ساعة و انت بخير و تضل بخير لحتا تبطل تصير بخير يعني و قتا بدعيلك ترجع بخير... يعني مثلا في عنا كام كلمة اي و الله منقولة بدون ما نفهم ابدن شو عم نحكي يعني و هل كام كلمة تقدر بشي 4000000 كلمة ... يعني لازم نعمل معجم للكلمات الي منزتها بدون ما نفكر فيها و بعتقد انو رح يطلع اكبر من المعجم المدرسي...