حكاية الحلقة السابعة من نظرات

الحلقة السابعة من نظرات مع الأيهم صالح جاءت بناء على اقتراح من صديقي منار بدور الذي أعرفه عبر فيسبوك منذ سنوات رغم أن احتكاكنا المباشر قليل جدا، بادر منار بإرسال الرسالة التالية في الساعة الواحدة يوم الاثنين 24 آذار الماضي.

الأيهم
في امكانية انو تكون حلقة نظرات الجاية
عن اللادقية وكيف بديت المشاكل فيها عام ال 2011
عبر بث الاشاعات وناس مرتزقة مهمتها اثارة المشاكل والنعرات
لانو هالشي عم يحاولو يتنسخوه حاليا
بعد ما الناس بشكل عام صارت اضعف من ناحية التحصين ضد النعرات والشحن

أجبت صديقي

عندك حدا؟

فأجاب

عم حاول استفسر عن حدا
كان بهداك الوقت باللادقية
وعندو شوية اطلاع واحتكاك مع الاحداث
بالوقت الحالي مافي
انا عم حاول اطرح فكرة حلقة
بتناسب الوضع الحالي


وبعد عشرين دقيقة أرسل لي منار

الايهم
انا حكيت رفيق الي اسمو طارق حمندوش
هو شب مهندس
باللادقية
من اول الازمة
وضافك عندو عالفيس
انا حكيتلو عن فكرة البرنامج وهو تشجع وقلي
انو هو جاهز لاي شي يكون مفيد


تعرفت على طارق حمندوش فورا، وحضرنا الحلقة فورا رغم أن طارق لم يكن يعرف شيئا عني ولا عن برنامجي، ثم بدأنا تسجيلها في العاشرة والنصف بتوقيت سوريا بنفس اليوم، ونشرتها في اليوم التالي فور انتهاء المونتاج بعد أن وافق طارق على نشرها بأسرع وقت بدون مراجعة منه.

أروي هذه القصة لأعبر عن شكري لصديقي منار بدور الذي بادر بتخطيط الحلقة، ولضيفي الذي تجاوب مشكورا مع المبادرة وأعطاني ثقته فورا.

يسعدني جدا اقتراح المواضيع والضيوف من أصدقائي، وأرحب بكل اقتراح جديد.